My Neighbors kabanata 10-6

“SPEAKING of magiging asawa, palagay ko ho e natagpuan ko na siya, Mommy,” kumakain na sila ng hapunan nang sabihin niya sa ina. “I’m now very positive about it.”

“Na naman!”

“Hindi na ho ako masusulot ngayon, Mom. She’s beautiful pero…”

“Pero ano?”

“Medyo mataba nga lang.”

Napatawa si Mrs. Consuelo. “Si Liza siguro ang tinutukoy mo, ano?”

“Oo, Mom. Ewan ko ba kung bakit nang malaman kong sa kanya napunta ‘yong singsing, hindi na maalis-alis sa isip ko ang kanyang mukha. Parang bigla na lang siyang gumanda sa tingin ko.”

“E bakit — sa talaga namang maganda ang batang ‘yon! At ang gaan agad ng loob ko sa kanya nang una ko siyang makita. Me katabaan nga lang pero kapag nag-reduce ‘yon nang konti, hindi na halata.”

“Ang laki na nga ho ng ipinayat niya, e.”

“O, e, ‘yong singsing?”

“Kagabing nasa disco kami, sinubukan niya uli na alisin sa daliri. Nasasaktan pa rin siya kapag hinihila. Sa mismong buto ng daliri kasi di magkasya, e.”

‘”Yon nga ang ipinag-alala ko noon pa. Nang makita ko ang singsing sa daliri niya, duda ko e sapilitang ipinasok.”

“Oo nga ho. At paglampas sa butong-daliri, bumaon na sa laman. Kaya ‘ayun… isang buwan na siyang nagpapapayat e ayaw pa ring matanggal. Pero sana nga e h’wag na lang matanggal.”

Napahagikhik si Mrs. Cuervas. “At bakit — ‘yon ba ang gagamitin mong gimik sa panliligaw sa kanya?”

“Nope. Unti-unti ho talagang na-in-love ako sa babaing ‘yon. And I think the feeling is mutual.”

“Na naman!”

“Look, Mommy, ibang-iba siya kesa ke Divina Morales! Halata ko ngang nai-in-love na rin siya sa akin.”

“Siguraduhin mo nga muna bago ka magsalita nang ganyan, ‘no? Don’t start counting the chicks if the eggs are not yet hatched!”

“Thanks for that advice, Mom. But I think I’m a lot wiser now.” Bumagal mayamaya ang pagnguya niya ng pagkaing nasa bibig at parang nag-iisip na napatitig sa kawalan.

“Sammy? Ano’ng iniisip mo, anak?”

Seryosong tumingin siya sa ina. “Mom… I really want her as my wife!”

Tumango si Mrs. Consuelo. Nasa mga mata ang lahat ng pagmamahal sa anak, sinabi niya: “I will be very happy to be her mother-in-law.”